- وقت التحضير: 30دقيقة
- وقت الطبخ : 120 دقيقة
- عدد الافراد : 8 افراد
- المقادير لصينية مقاس 26
كوب سكر ناعم الحبيبات مش مطحون
كوب ماء دافىء
2 كوب دقيق
معلقة كبيرة محسن كيك جيل
معلقة صغيرة بيكنج بودر
فانيليا
معلقة خل وبشر ليمون عشان زفارة البيض
وطبعا لو هاتعملى تورتة شوكولاتة بتشيلى معلقتين دقيق وتحطى مكانهم كاكا بودر
- طريقة التحضير:
ضيفى البيض على السكر على الماية على الفانيليا والخل وبشر الليمون
ومحسن الكيك وتضربى بمضرب كهربى لغاية الخليط مايتقل ويبقى زى الكريمةويعمل شكل المنقار لما ترفعى المضرب
وهنا لما بترفعى المضرب بينزل زى الشريط وبيكون تقيل
وتكونى ناخلة الدقيق مع الكاكاو مع البيكنج بودر
وتضيفى شوية بشوية وانتى بتضربى بالمضرب
بس تخلية على السرعة الهادية لغاية ماتخلصى الدقيق كلة
وطبعا تكونى مسخنة الفرن من بداية شغلك فى التورتة
وتصبى الخليط فى صينية مدهونة سمن ومرشوشة شوية دقيق
او تبطنى الصينية بورق ألومنيوم او زبدة وتدهنيها زيت وتصبى الخليط
على حسب المتاح ليكى
وتدخليها الفرن بتاخد حوالى 45 دقيقة ومتفتحيش عليها الفرن قبل نص ساعة
لو فرنك صغير دخليها على درجة 180 درجة
لو كبير دخليها على 200 درجة
هنا خرجت التورتة من الفرن
دا مقطع جانبى للتورتة
عملت علامة بالكريمة وقطعتهااتنين وممكن تلاتة
حطيت الكريمة وشوية صوص شوكولاتة وقطع أناناس
غلفتها كلها بالكريمة وساوتها
وهنا زينتها وطبعا الزينة على حسب ماتحبى
انا عملت وردات صغيرة على حرف التورتة
وبعدين صبيت الصوص ووزعتة على التورتة
وجبت معلقتين كريمة بس سايحة شوية
ووزعتها فى الصوص ادتنى التموجات دى
وعملت 3 وردات
وكنت مسيحة شوكولاتة وجبت ورق شجر غسلتة وفردت علية الشوكولاتة
واول ماجمدت شلتها بالراحة وادتنى شكل ورق الشجر
ليست هناك تعليقات:
إرسال تعليق