طبعا الموضوع معدش محتاج كلام وواضح للكل أيه اللى بيحصل فى البلد أظن بعد ال 3 شهور دول مفيش دكر هيعرف يمسك أى حاجة على المخلوع أو اللا شريف أو اللانظيف أو الذى لا يبعث على السرور غير بقى لو مكنش كتيبة المحاسبين و المستشارين اللى شغالين الله ينور من يوم ما الثورة ما بدأت الشغل كتير أوى عليهم علشان كده لسه مخلصوش و المجلس العسكرى طبعا متميز بالصبر علشان الناس اللى خدمت البلد 30 سنة خراب يأخدوا الفرصة يظبطوا أمورهم .
علشان كده شباب الثورة قرروا أن الجمعة اللى جاية بأمر الله تكون جمعة التطهير و المحاكمة و دا طبعا محصلش غير لما أطفالنا اللى بيحلموا ببكرة أحسن حصلهم توتر فى البامبرز بسبب اللى شايفينه من جميع التيارات سواء السياسية أو الفكرية اللى فى البلد كل واحد فيهم همه أن يأكل التورتة لوحده و يولع الشباب اللى ماتوا و اللى كانوا مستعدين يموتو علشان الثورة .
طبعا لسه مفهمتش أنا عاوز أأقول أيه و هتسألنى يعنى أيه توتر فى البامبرز هقولك متتعبش نفسك أتفرج عالفيديو دا و أنت هتعرف كل حاجة لوحدك
أرجو و لأول مرة ها الرجاء من كل من يقرأ ها التوبيك أن يقوم بنشره
ليست هناك تعليقات:
إرسال تعليق