فيديو .. أغانى زمان بروح ثورة يناير .. مبارك يغنى حكايتى مع اللومان

ثلاثى رائع بوند و محمد زهيرى و وائل عاشور لهم أجندة واحدة يعملون وفقها و هى أجندة حب الوطن و لهذا أفتتحوا مجموعتهم الرائعة أجندة لهم من الفيديوهات ما يعبر عن روعة الفكر و جمال الأسلوب و قوة الأحساس .
طبعا كلنا عارفين رائعة وردة حكايتى مع الزمان و التى يحولها بوند و زهيرى بكلماتهم مع فيديو وائل عاشور إلى حكايتى مع اللومان بصوت الرائع محمد زهيرى
هذه هى كلمات الأغنية

كان ده كان كان شعبى حبيبى..كان ده كان كان يوم تحت ايدى وكان

ضحت بعمرى سوزان...توريث توريث توريث..توريثها للواد جمال وكان

جمال..جمال اللى جابكم هنا ..تقولوا لاء فى الميدان..وقولتوا يرحل كمان

و خربها اهو الولا ولا
جمااااال...ياما اتحملته انا..عبيط ودمه تقيل...عالقلب زي الفيل
قفا و رزيل اوى الولا
وانا اللى بينكم انا...عايش زى الغراب...و جايبلكوا الخراب

ولا شوفتوا يوم غير بالبلا
واناااااا...ياما حَوشت انا..دولارات سبعين مليار...اخرتها طلعت حمار

جابنى البوليس هنا انا
لا اسف حايشفى جراح...ولا حا يجيب اللى راح

ده الشعب هو اللي فاز...و دماغي جابت جاز
دى حكايتى مع اللومان اللومان اللومان..حكايتى مع اللومااااان
رسم لى الواد جمال...جنه تفوق الخيال .وقالي ححكم يا بابا . قولت لسوزى اللحقينى
و عمللي فكر جديد و جاب بتاع الحديد ..وقالي اسرق يابابا...هبشت وغمضت عينى

ومرت الايام وصحيت من الاحلام..مالقيتش غير لومان ..والبورش مستنينى
وانا انا اللى بينكم هنا...مش عارف رايح فين..و رجليا الاتنين يمين
جابنى البوليس هنا انا

وانا ياما حوشت انا..بلايين يامين يعيش...و ذنوب ما تتمحيش
لو فات مليون سنه انا

لا اسف حايشفى جراح...ولا حا يجيب اللى راح

و الشعب هو اللي فاز...و دماغي جابت جاز
دى حكايتى مع اللومان اللومان