قيثارة الفن الشعبى بيرم التونسى .. قصيدة فلوس الست

الشاعر:  بيرم التونسى
القصيدة: فلوس الست

فلوس الست للاستاذ بيرم التونسى
فلوس الست فلوس الست هية اللى عشانها انا اتجوزت !
صاحبة اطيان تسعين فدان و ايراد خمسين ستين دكان
عملتنى وكيل على التحصيل امضى الوصلات وابيع محاصيل
دى سعادة تخلى العقل يشت فلوس الست فلوس الست
هية اللى عشانها انا اتجوزت
جيبالى جهاز كلة بوتاجاز كدة عز مفيش و لا من دا جواز
ويروح طباخ و يجينا طباخ و الاكل حمام و سياخ و فراخ
و القصعة اكلها و غيرى بعت فلوس الست فلوس الست
هية اللى عشانها انا اتجوزت
فاتو شهرين شهرين اتنين و ازاى معرفش صابتنا العين
جرى اية يا مدام نشزتى قوام تفوتينى ورا و تمشى لقدام!
و اسمى نستية و تقولى يا هست! فلوس الست فلوس الست
هية اللى عشانها انا اتجوزت
مالت للغير و اتقل الخير و جابت لى مراقب و سكرتير
دة تروح وياة تلعب باكاراة و التانى تروح " بارتيز " وياة
و نا فية بقت تشخط و تهت و فلوس الست فلوس الست
هية اللى عشانها انا اتجوزت
فلوس الست
كلمة يا رجال يا هواة المال فلوس الستات دى وبال فى وبال
الراجل الحر الشهم المر يختارها فقيرة و بنت حلال
تعيش وياة ع العيش و اللفت فلوس الست فلوس الست
هية اللى عشانها انا اتجوزت
فلوس الست

إذا أعجبك المحتوى لا تبخل بنشره