الرائعة الأولى أظن زهيرى كان يغنيها لجمال مبارك يطمئنه بأن ماما مش هتنساه و كلمات الأغنية و عزفها و أخراجها هذه المرة عمل منفرد لزهيرى ليثبت تميزه فى عمل كل شىء متعلق بالفن الجميل
ماما زمانها جاية
جاية بعد شوية
جايبة وظيفة شربات
جايبة مكانة عالية
فيها كنوز من الغالية
و مليارات دولارات
عارف الواد اللى اسمه سونسون
جى الثوار عملولوه ايه
ايه
لقوا رجليه فى الشعب بتطحن
و مفيش حد مالى عينيه
راحوا عملينله مظاهرة كبيرة
عارف عملوهاله ليه
كان مفترى و مبهدل شعبه
كل الدنيا بتدعى عليه
و أهو من يومها فى شرم بيهرب
و كمان جاله شلل فى أيده
ماما زمانها جاية
جاية بعد شوية
جايبة وظيفة شربات
جايبة مكانة عالية
فيها كنوز من الغالية
و مليارات دولارات
و احمد برده ايده مشلولة
و مامته عارف ليه مخاصماه
كان بيحب تملى يسرق فى الحديد
و يشيله معاه
و فى يوم جاب كام سيخ راح باعهم
و عين الشعب كانت شايفاه
حطوا الكلابشات فى ايده
لسه أيديه الأثنين وجعاه
و أهو من يومها فى التخشيبة
و عيشته زل يا حول الله
ماما زمانها جاية
جاية بعد شوية
جايبة وظيفة شربات
جايبة مكانة عالية
فيها كنوز من الغالية
و مليارات دولارات
و الرائعة الثانية لزهيرى هى مباشرة مع سوزان مبارك و أظن زهيرى طيب القلب يحاول فيها طمأنة جمال مبارك فى مسجنه على أن ماما سوزان لن تتخلى عنه و ستذهب إليه قريبا حاملة العيش و الحلاوة كم أنت رائع يا زهيرى و كم رائع العمل الجماعى بين فريق أجندة فى هذه الأغنية فالأغنية هذه المرة كلمات وليد فكرى و غناء و عزف محمد زهيرى و أخراج وائل عاشور
ماما زمانها جاية
جاية بعد شوية
لابسة الكلابشات
جاية أهو بهداوة
شايلة عيش و حلاوة
بس مفيش جاتوهات
عارف النائب العام أمبارح
بعد ما طسنا قرر أيه
أيه ايه
فكر أننا عاوزين دادى
كتر خيره صعبنا عليه
راح مديله حكم نهائى
عارف أداله الحكم دا ليه
قالك دادى مفكر أن الناس دول هما ملك أيديه
و أن قتلهم و أنه نهبهم و أن الشعب بيدعى عليه
ماما زمانها جاية
جاية بعد شوية
لابسة الكلابشات
جاية أهو بهداوة
شايلة عيش و حلاوة
بس مفيش جاتوهات
ماما بتقولك خليك شاطر
و أمسك دايما ايد باباه
هى هتحجز سجن قناطر
و أحنا هنحجز سجن طرة
و إن جبيت تلعب يا معلم
شلة دادى أهى وياه
شوفت أمبارح أنكل عز
و أنكل عادلى شوفته معاه
و أنكل زيكو و أنكل صفوت
و أنكل فتحى جاى وراه
ماما زمانها جاية
جاية بعد شوية
لابسة الكلابشات
جاية أهو بهداوة
شايلة عيش و حلاوة
بس مفيش جاتوهات
ليست هناك تعليقات:
إرسال تعليق