نكت عن أعتصام روكسى
هتافات و لافتات تظاهرة روكسى :
عناوين الصحف تعليقا على تظاهرة روكسى :
· احنا اسفين ياريس غيرت مسارها من ميدان مصطفى محمود لميدان روكسى ... ده عشان يقعدوا فى كوستا بعد ما يخلصوا .
- سألوا طنطاوي :عندك مؤيدين؟ قال :لأ ..و هو عنده 12 ف روكسي
- واحد بيسجل مع التلفزيون هناك بص للكاميرا وقال: انت مفكر ان احنا كده بس، احنا كتير
- عاجل بيان المجلس العسكري 68: نهيب بالمواطنين الشرفاء بعدم تنظيم أي مظاهرات تأييدا للمجلس . كسفتونا الله يكسفكم . و الله الموفق
- عملوا لجنة شعبية روكسي علشان يمنعوا الناس من الخروج من المظاهرة لان ما فيش حد عايز يدخل
هتافات و لافتات تظاهرة روكسى :
- مجلس مدني ميلزمنيش العسكر غيره مافيش
- متكيفناش متكيفناش ، يا نظام يفشخنا يا اما بلاش
- هتاف بنات روكسى :بالراحة بشويش ..كله الا الجيش
- هما بياكلوا حمام و فراخ....و احنا السوشى دوخنا و داخ
- بدل ما تكسي انزلي في روكسي
- متعبنانش متعبناش السوسيس مش ببلاش
- بودي بودي .. بودي بودي .. فستاني من العبودي
- مش عايزين العسكر ليه ؟؟ هما كخه ولا ايييه
- يا داخليه احمينا من اللي غدروا بيكوا وبينا
عناوين الصحف تعليقا على تظاهرة روكسى :
- فقط فى مصر بلد العجائب المئات يخرجون فى مظاهرة ضد التظاهر
- الآن في روكسي : جمعية محبي صوباع الفنجري - تحت شعار إرزعني بالجامد يا أونكل
- لا مدنية و لا إسلامية ..الشعب يريد كشف العذرية
- مليونية الأنذار الأخير بالتحرير و مئوية الهزار الأخير فى روكسى .. و المجلس العسكرى محتار يقلق و الا يضحك
- القذافى لمتظاهرى روكسى .. كم انتم .. كم أنتم
- أختفاء متظاهرى روكسى لساعتين ثم عودتهم هاتفين أوف .. أح .. الجيش عمل الصح
- عاجل: روكسى : متظاهرى روكسى يهددون بالتصعيد و نقل المئوية الى حديقة الأزهر
- مئوية روكسى تتسبب فى توقف حركة الدليفرى فى روكسى
- عاجل: روكسى : خناقة حول اختيار المكان الأنسب للغداء ..هارديز و لا ماكدونالدز
- عاجل:توقف المليونيه فى روكسى عند محل عصير قصب جنة الفواكة والكوبيات اللى هناك الحمد لله كانت كفايه
- عاجل : توقف مسيرة روكسى لعبور الشارع و هما ماسكين ايد بعض . عشان محدش يخلع
- عاجل و مؤكد: مليونية روكسى طلبوا ٥ هابئ ميل و 2 تشيز برجر لاحتمال انضمام واحد كمان ليهم على الغدا
- متظاهري روكسي يطالبون ببث خطاب الفنجري يوميا على التليفزيون عشان هو الوخيد اللي بيحسسهم بالأمان
- عاجل | متظاهرى روكسي حاولوا يعملوا لجنة شعبية...مالقيوش حد يأمنوه
- عاجل / شبكة فرط : قامت مليونية روكسي ببعض اعمال الشغب حيث قامو باشعال النيران في تلات سجاير روزمان وقام البعض منهم بالقاء العلب في الباسكت
- المعتصمون في روكسي يقررون نقل الاعتصام لشقه واحد صاحبهم انتيم
- تفريق متظاهرين روكسي بـمسدسات المياه الساخنة,وهناك شهود عيان يقولون ان هناك استخدام لمسدسات الخرز المحرمة دوليا
- عاجل : إختناق المعتصمين بميدان روكسى نتيجة إنفجار زجاجة كاتشب حراق
تويتات من روكسى :
· الناس اللي في روكسي أقل من اللي أنا بغش منهم في الامتحان .
· روكسي مش بالمليون دول بالكرتونه زى البيض بالظبط .
· روكسي مش بتاعت مليونيات ... روكسي بتاعت عط و خروجات .
· يا جماعة محتاجين دكتور فى روكسى فيه واحد ناموسة قرصته الحقونا .. ريتويت بسرعة من فضلكم .
· عدد المتظاهرين في روكسي يقترب من 25 ويهددون بإغلاق كشك سجاير ومنع المواطنين من دخوله .
· المتظاهرين اللى فى روكسى عاملين جائزة للمتظاهر سعيد الحظ رقم 21 .. يا ترى مين وراه .
· اللى فى مصطفى محمود أولاد مبارك من سوزان .. أما اللى فى روكسى أولاد سوزان من المجلس العسكرى .
· متظاهرى روكسى ينظمون لجان شعبية بعد تعرضهم لكلب عمال يهوهو،وإتهامات لحركة 6 أبريل بوقوفهم وراء العملية التي أطلق عليها"معركه الكلب .
· الاماكن اللي بيختارها ولاد مبارك دي .. بتفكرني باعلانات حفلات مارينا .. تباع التذاكر بماسبيرو وميدان روكسي
· احنا اسفين ياريس غيرت مسارها من ميدان مصطفى محمود لميدان روكسى ... ده عشان يقعدوا فى كوستا بعد ما يخلصوا .
· تناقص اعداد المتظاهرين الي النصف تماما بعد ذهاب 3 افراد لقضاء حاجتهم .
· أنباء عن تحرك معتصمى روكسى للتصعيد و غلق حديقة الأزهر و سائق الميكروباص يرفض التحرك حتى يكتمل العدد 14 .
· محتاجين تمنتاشر واحد قدام اللجنة الشعبية اللي على بوابة سينما روكسي علشان يفتشوا التلاتة اللي جايين يعتصموا .
ليست هناك تعليقات:
إرسال تعليق