بسم الله الرحمن الرحيم
كلنا عارفين ان كرسي الحلاق اللي انا باكرهه شخصيا هو كرسي الاعتراف لمعظم الزباين وان الحلاقين عندهم كل اسرار زباينهم .... طب ما تيجي نشوف المشير لما بيحلق بيقول ايه وبيعترف بايه للحلاق
اولا الحلاق مش مدني ده حلاق عسكري بيحلق للمشير طبقا لقواعد الدستور والقوانين والشرعيه المهلبيه
الحلاق بيسأل المشير في ساعة تجلي ويتكلم معاه
باشا ممكن ادردش معاك ؟المشير قاله اتفضل
قاله في كام سؤال كده الناس بتسالهم في الشارع ممكن اسالهملك ؟
المشير قاله اتفضل بس هتسالهم كلهم مره واحده وانا هاجاوب بعدين وما تخافش عليك الامان اسال زي ما انت عاوز
سيادة المشير هو انت رايك في الثوره انها ثوره ولا انها احداث ولا انها اضطرابات ؟
سيادة المشير انت رايك انه الرئيس السابق ولا الرئيس المخلوع ولا الرئيس وخلاص ؟
سيادة المشير هو انت ولائك العسكري لسه لمبارك ؟
طب ولوو افترضنا كده انت ممكن تفضل ولائك العسكري على ولائك لبلدك ؟
صحيح يا باشا هي دي بلدك الاول ولا مش بلدك ؟
سيادة المشير انتوا بصراحه حيرتونا نسال ليه ما بيحاكموش الفلول عسكري يقولك علشان نزاهة القضاء طب نسال ليه بيحاكموا المدنيين عسكري يقولك على نزاهة القضاء انت ايه رايك ؟
سيادة المشير هو انتوا بتنتقموا من مصر علشان خاطر حسني مبارك ؟
انتوا ليه قاصدين تقللوا الامن في البلد وتنشروا الشائعات في الاعلام القذر بتاعنا ؟
سيادة المشير يا ترى امريكا والسعوديه لسه بيتدخلوا في شئوننا زي مبارك ؟
مش شايف سيادتك انها باينه اوي انكوا تشيلوا وزير الخارجيه العربي علشانه عنده كرامه وتجيبوا العرابي لانه ما عندوش يعني زودتوا حرف الالف وحطيتوا في قلوبنا نقطه
يا تري سيادتك ايه نوع الصفقه اللي مع الاخوان ويا ترى الاخوان عندهم امان من ناحيتكم
سيادة المشير انت بتحب مصر ؟
ليست هناك تعليقات:
إرسال تعليق