هذا هو خطاب افتراضى تفاعلى فى شكل شعرى جميل يعبر عن رؤية جيدة لأحداث أمبابة تحياتى للشاعر الرائع ماس كاتب أشعار هذا الخطاب التخيلى البديع
أقسم بالله العظيم أن أحافظ مخلصا بعد التنحى على خراب البلد
على دمار للابد
و بعد النقاش و التفكير و المشاورة قررنا تدمير أهداف الثورة
ايدنى و جما ابنى و سرور قال موافقة يا ريس
و خدنى بالحضن العادلى و قالى الفتنة دى حل كويس
عز و صفوت قالوا بجد دماغك دى يا أستاذ تتدرس
و السجن بحاله شهدلى .. بس الشعب فاكرنى بهيس
أزاى و فلوسى فى جيبى .. و بقية الحزب حبيبى
حتى الشيطان نفسه قرف من شر ألاعيبى
يا مسيحى و يا مسلم جاهزين لأكاذيبى
أمبابة شاهدة عليا .. دا عيبكوا مش عيبى
و لسه ياما هتشوفو علشان خلعتونى
أنا مش هسيبكو فى حالكو ..فاهمين .. سمعتونى
هفضل وراكو كده لحد ما تجونى
و تقولو ارجع لنا أرجوكو تبكولى
البلطجية سلاحى و الفتنة دى عيونى
و الدين طريق الدم و حبايبى فهمونى
و أهى الفلوس موجودة و الخطة محطوطة ..
مفضلش غير انكم يا ناس تساعدونى
هعمل اشاعة أتنين و تلاتة و تشعشع
مينا شتم فى حسين و البلطجى يسمع
كله يشوف الدم و الناس هتتجمع
أدى الكنيسة دمار و حريقة و بتولع
أبانوب نده مايكل و كسروا المسجد
ما هو دا اللى أنا عاوزه أن البلد خربت
و صريخ و رعب و خوف و مصر أهى أتضربت
يا سلام على افكار دى لعبتى و نجحت
مبروك عليكو يا شعب قدرت اموتكم
خليتكوا تتمنوا وجودى فى حياتكم
و أدينى أهو فى السجن مستنى كلمتم
أحنا آسفين يا ريس و ساعتها هسامحكم
سلام بقى علشان أأقتل فى أحلامكم
أأقدر أأقول أذهب بلا سلام مبارك و مرحبا بك ماس و بشعرك الرائع
ليست هناك تعليقات:
إرسال تعليق