بسم الله الرحمن الرحيم
تنبيه هام
لو كنت لسه محافظ على هدوئك واحترامك او لو كنت لسه مؤدب .. او لو كنتي يتؤمني بالتلوث اللفظي فالنصيحه هنا .. ان تقرأ هذا المقال حتى تتحرر من الادب
وتعرف كيفية التعامل مع من يقوموا بحرق دمنا كل يوم والعكننه علينا وعلى اللي جابونا يبقى لازم تكون قليل الادب
بالنسبه لسيادة المشير
شكلك كده ماشي على نهج اللي كان قبلك واللي اخد شلوت مغري .. وشكلك فاكر نفسك اللي فاهم الدنيا صح وان الناس الغوغاء اللي بيتظاهروا لو رميت لهم عضمه هيجروا عليها ويفضوا الليله
او لا سمح الله تكون فاكرنا عيال صغيره بنتزق من جهات تانيه او الكبار بيضحكوا علينا واول ما سيادتك تبرق عينيك هنخاف ونستسلم ونبل البنطلون
عاوز بس اؤكد لك اننا عيال وعاوز افكر سيادتك بالمقوله الخالده
اللي يلعب مع العيال ما يخلاش من الدبابيس .
بالنسبه للعسكري اللي بيرقص
اولا انا متاكد انك جديد في الخدمه لان اللي زيك بيدخلوهم الجيش علشان يسترجلوا بس مش لازم انت اللي تتحاسب ... المفروض اللي يتحاسب اللي عمل الكشف الطبي عليك قبل ما يقبلوك في الجيش لان اللي زيك بيدوهم شهاده عليها ختم احمر ويمنعوهم من التجنيد
لكن الظاهر زي ما انت اعصابك تعبانه وبتطبق باحترافيه كل الدروس اللي الست والدتك علمتهالك وانت عيل صغير وواضح انك استوعبت التربيه بشكل ممتاز وليك مستقبل بس على فكره انت ليك فايده كبيره في الامن المركزي
انك هتهد حيل العساكر فمش هيقدروا يضربونا ولا يجروا ورانا ولا اي حاجه ... فيا ريت لو في حد عندك في العيله لسه ما اتجندش يروح بسرعه على الامن المركزي
ولك جزيل الشكر
بالنسبه لشوبير
امبارح بعد ما روحت باقلب في المهبب اللي اسمه التلفزيون لقيت الكابتن بيتكلم عن ادب الثوره والتزام الشرطه .. بدليل ايه بقى
حسب كلامه ان في 300000 في التحرير وما فيش احتكاكات
انا سمعت كلامه واتحولت .. وفكرت .. وتخيلت حوار بيني وبينه
انا .. يا كابتن دول كانوا اكتر من مليون
شوبير .. فين المليون دول كانوا فين
انا .. اقولك فين وما تزعلش ؟
شوبير .. تفتكر ؟
انا بحكمه بالغه .. طبعا المفروض ان انت الوحيد الي ما شفتهمش ومصر كلها شافتهم يبقى طبيعي انك ما كنتش في البيت ساعتها
وعموما لو انت سالت البواب هيقولك
بالنسبه لمحامي مبارك علشان مفقوع منه
سيادتك بتؤكد ان المخلوع ما لوش اي ارصده بره مصر وانه يا دوب عايش وكمان سيادتك اكدت ان الهانم مظلومه جدا في الاعلام
وبعد ما هياخدوا احكام ان شاء الله هتطلع علينا ملمع قرونك وبتهز ديلك وهتقول انك كنت مجبر على قبول القضيه لاسباب كتير
تصدق ان انا قبل ما اشوفك ما كنتش اعرف مين هما الناس اللي بيبقى شكلهم بقرون لان في ناس قالتلي ان بيبان عليهم من غير تصرفات اول ما تبص في خلقتهم هتلاقي قرونهم متلمعه وهتعرف انهم مع الرصين وانا ما كنتش باصدقهم بس اول ما شفتك امنت يا مع لم
معلش اعذروني اهم شوية كلام كانوا واقفين في زوري ورزعتهم على الصفحه هنا
انا عاوزك بس انت وهي لو هتردوا بكومنت تنسوا كل الي قريتوه ويبقى الكلام محترم
شكرا
محمد حسن
ليست هناك تعليقات:
إرسال تعليق